知道好多會員都好有興趣扭氣球，今次我哋邀請到一位氣球師同樣係視障會員黎教大家扭氣球，因為臨近聖誕，我地會以聖誕為主題學扭一至兩個作品，放係屋企做一個點綴，學識扭之後，又可以返去自己練習，將呢份心意送比朋友作為小禮物。
齊來扭波波活動會係12月23日(星期二)舉行，活動時間係下午2點至下午4點，地點係愛民服務中心。參加者如需要係地鐵站接送到中心，可以係活動當日下午1點半係何文田港鐵站A出口(近美心餅店位置)集合。活動費用每人$10。因為今次係導師第一次教視障人士，為左容易d比大家磨合，今次會優先比有扭氣球基礎嘅會員報名參加。
有興趣嘅基本會員可以係12月5日(星期五)下午3點至12月10日(星期三)下午3點，用Whatsapp或致電報名熱線2760 1162報名，每通電話可報1個人。名額6個。如果報名人數多過名額嘅話，就會進行抽籤，抽籤結果將會係 12月11日(星期四)嘅熱線中公佈。 
如果有任何查詢，歡迎致電2760 0100與服務中心職員IRIS聯絡。