康文署南區走一轉報名已經結束。所有報左名的會員，會自動成爲正選。

活動日期係2025年9月7號(星期日)。活動時間係上午10點至下午大約5點，參加者需要喺當日上午9點45分，喺黃大仙地鐵站D出口(即係第四個英文字母)出閘位集合。收費方面，會員每位$80，同行者每位$140，非會員每位$210。當日我地首先會入去赤柱游覽，之後會去位於香港仔華貴道3號華貴坊喜悅皇宮酒樓午膳，由於今次同大家飲茶、食下點心咁，所以就唔特別讀餐單給大家啦。食飽之後會去香港仔The Southside商場涼下冷氣行下街，大約4點15分會上旅遊巴返回黃大仙正德街解散，解散時間大約5點。

另外，需要組圍嘅會員朋友請注意，我地會安排係8月22日(星期五)下午3點至2025年8月29日(星期五)下午3點，幫大家組圍，大家可以致電服務中心2760 0100組圍。如果大家想同朋友仔同一張枱嘅話，請先得到對方嘅同意先至好安排組圍啊。要義工幫手嘅建議每圍8個會員，唔要義工幫手嘅就每圍12個會員，同時由於圍數較多，我地會盡量為大家作出組圍上嘅安排，有需要帶導盲犬嘅朋友記得打黎服務中心同我地職員講聲喇。

阿Sa當日嘅活動電話係6990-9656。

如有任何查詢，歡迎致電服務中心2760 0100同職服務中心職員阿Sa聯絡。