各位會員朋友大家好！嚟緊9月至到11月會有新同事阿渝我開嘅Ukulele常規訓練班!目標係令到大家可以享受到Ukulele呢種樂器嘅樂趣！阿渝我亦會主持同作為導師！
由於呢個係一個常規課程，所以課程內容將會由淺入深，課程內容包括有學習調音、了解結構、基礎和弦、調子及拍子訓練等等，中心仲會提供Ukulele比參與會員練習，所以絕對歡迎從未接觸過樂器嘅您加入！
常規訓練課程舉辦嘅日子會係2025年9月19日至2025年11月21日（逢星期五）晚上7點至9點結束，每次活動嘅集合時間將會係下午6點半喺何文田地鐵站A出口（第一個英文字母集合）。收費方面，每位會員$150（整個課程），另外亦會有$100按金（出席次數達75%或以上將會全數退回）。
有興趣嘅會員可以喺8月26號（星期二）下午3點至9月2號（星期二）下午3點，致電或WhatsApp到報名熱線2760 1162報名，每通電話可以報1個人。名額方面將會有6個。如果報名人數多於名額，活動就會進行抽籤，抽籤結果將會喺2025年9月4號（星期四）熱線通告中公布。
如果對活動有任何查詢，歡迎Whatsapp或致電2760 0100與服務中心職員啊渝聯絡。