夏天熱辣辣想做運動健康下又唔想太過劇烈？不如考慮下一齊黎做愛笑瑜珈啦，可能有d朋友仔以為聽到瑜珈係要做運動，但其實愛笑瑜珈係以歡笑做運動，累積正能量，仲可以強化心肺功能。
9月開始我哋繼續邀請到笑出健康協會導師 阿Dick帶住大家一齊歡笑。
愛笑俱樂部 同時接受所有會員同照顧者報名，歡迎咁多位會員帶埋你哋嘅屋企人、照顧者一齊加入我哋嘅愛笑俱樂部，一齊笑出健康。今次小組暫時有8堂，逢星期三上午十點半至十一點半，日期分別係9月10，17，24日，10月8，15，22日，11月12，19日共8節，其中9月24日會係上午十點至十一點上堂。舉行地點係何文田服務中心。會員可十點半前到服務中心，如需係地鐵站接送，請係10點前到何文田站A出口等，會有義工接大家過中心。
另外，相信有留意通告嘅大家應該都知道10月26號星期日會係協進會白杖日嘉年華嘅日子，我哋今年計劃會邀請埋Dick Sir同今期有上堂嘅會員朋友，或者有興趣一齊係嘉年華表演嘅會員參與，一齊將歡樂帶比當日嘅觀眾，至於時間會係下午，地點係山頂廣場，關於確實時間同接送安排詳細資料會稍後再作公佈，大家報名個陣都會問埋你哋嘅意向，期待大家一齊為白杖日出一分力！
有興趣報名愛笑俱樂部嘅會員同照顧者可以係8月19日星期二下午3點至8月26日星期二下午3點致電報名熱線2760 1162報名，一個電話可以報兩人，名額20人。如果報名人數多過名額，活動將會以抽籤形式進行，抽籤結果將會於8月28日(星期四) 的熱線通告入面公佈。參加者每位會收$20費用。如有任何查詢，請致電2760-0100與職員iris聯絡。