六月頭大家試過整皮革銀包仔，整出嚟嘅成品都非常得體，於是嚟緊白杖日我哋都想搵會員同埋佢哋嘅屋企人或者照顧者一齊嚟整一份別具紀念價值嘅皮革卡套送俾一班白杖日嘅嘉賓。

皮革工作坊二點零活動會係9月10日同17日(星期三)舉行，活動時間係下午1點30分至下午4點，地點係愛民服務中心。參加者如需要係地鐵站接送到中心，可以係活動當日下午1點係何文田港鐵站A出口(近美心餅店位置)集合。活動費用全免，活動期間每人會整2個卡套，其中一個會留喺中心留待送俾嘉賓，另一個可以大家拎返屋企。歡迎本會會員同照顧者報名參加，之前有報過崇德社嘅會員優先。

有興趣嘅會員同照顧者可以係8月22日(星期五)下午3點至8月30日(星期六)下午3點，用Whatsapp或致電報名熱線2760 1162報名，每通電話可報2個人。名額每節10個，大家可以選擇報10號或17號其中一日。如果報名人數多過名額嘅話，就會進行抽籤，抽籤結果將會係 9月1日(星期一)嘅熱線中公佈。

如果有任何查詢，歡迎致電2760 0100與服務中心職員IRIS聯絡。