各位九東分區嘅會員大家好！今次分區活動會同大家去大自然素食，個間係一間特色素食餐廳黎既，想健康或者好奇素食嘅朋友仔就唔好錯過啦。

活動會係9月30日（星期二）下午3點至下午5點舉行，地點係位於黃大仙睦鄰街8號現崇山商場1樓102-103號舖嘅大自然素食 。當日集合係下午2點30分係黃大仙站D出口（即係第4個英文字母）出閘位置集合。 收費方面，會員每位$80，同行者每位$130，非會員每位$200。菜單方面可以收聽「分區活動大自然素食菜單 」既通告。

有興趣報名嘅九東分區會員可以係8月29日(星期五)下午3點至9月6日(星期六) 下午3點，用Whatsapp或致電報名熱線2760 1162報名，每一通電話可報2人，名額40個，如果報名人數多過名額，活動將會以抽籤形式進行，抽籤結果將會於9月8日(星期一) 熱線通告入面公布。如有任何查詢，歡迎致電2760 0100同服務中心職員iris聯絡。