愛笑俱樂部 2025尚餘少量名額，所有已經報咗名嘅會員同照顧者已經自動成為正選，如果對自己嘅報名狀況有疑問，請聯絡服務中心。有興趣報名嘅會員同照顧者請係8/9/2025星期一6PM前 致電27601162報名。名額先到先得，額滿即止。

9月開始我哋繼續邀請到笑出健康協會導師 阿Dick帶住大家一齊歡笑。愛笑瑜珈係以歡笑做運動，累積正能量，仲可以強化心肺功能。歡迎咁多位會員帶埋你哋嘅屋企人、照顧者一齊加入我哋嘅愛笑俱樂部，一齊笑出健康。
今次小組有8堂，逢星期三上午十點半至十一點半，日期分別係9月10，17，24日，10月8，15，22日，11月12，19日共8節，其中9月24日會係上午十點至十一點上堂。舉行地點係何文田服務中心。會員可十點半前到服務中心，如需係地鐵站接送，請係10點前到何文田站A出口等，會有義工接大家過中心。
另外，相信有留意通告嘅大家應該都知道10月26號星期日會係協進會白杖日嘉年華嘅日子，我哋今年計劃會邀請埋Dick Sir同今期有上堂嘅會員朋友，或者有興趣一齊係嘉年華表演嘅會員參與，一齊將歡樂帶比當日嘅觀眾，至於時間會係下午，地點係山頂廣場，關於確實時間同接送安排詳細資料會稍後再作公佈，大家報名個陣都會問埋你哋嘅意向，期待大家一齊為白杖日出一分力！參加者每位會收$20費用。活動電話59301208。如有任何查詢，請致電2760-0100與職員iris聯絡。