各位會員大家好，我係執行委員吳嘉明，亦都係心光學校嘅法團校董，第一屆全港視障人士歌唱世一爭霸大賽，係由我哋協進會同埋心光學校校友會加上香港盲人輔導會、心光學校同埋香港視網膜病變協會共同舉辦嘅，呢一個大規模選秀級獨一無二嘅舞台，相信唱得之人嘅你，絕對值得擁有。
我哋分為決賽同埋初賽，喺10月20號就係初賽嘅截止期限，希望大家盡快填妥報名表格，拍一段不少於2分鐘，不多於5分鐘嘅初賽影片，上載去校友會嘅WhatsApp電話 55117757 然後交費及報名，相信你嘅唱功一定會俾人聽到。
我記得細細個10幾歲嘅時候，非常鍾意參加歌唱比賽，踏上台版嘅嗰一刻，唱自己想唱嘅歌，能夠感動到每一位聽眾同觀眾，呢一種嘅成就同埋開心，係絕對不能用筆墨形容到㗎，約定大家11月22日決賽見。