康文署之照顧者元朗旅行 活動將會係11月2日(星期日)舉行，歡迎視障會員同埋佢哋嘅屋企人或者照顧者參加，由康文署主辦、本會協辦嘅元朗旅行活動時間係上午10點至下午大約5點，參加者需要喺當日上午9點45分，喺黃大仙地鐵站D出口(即係第四個英文字母)出閘位集合，我地會喺黃大仙正德街上旅遊巴去屏山文物館參觀，之後再去流浮山，到步之後我地會直接前往位於流浮山山東街12號嘅歡樂海鮮酒家用膳，菜單包括︰果皮蒸鮑魚，金粟龍脷柳，白灼生海蝦，古法金禾烤鸭半隻，香橙焗肉排，翡翠鴛鴦片，蒜茸蒸茄子，郊外油菜，絲苗白飯，合時生果。食飽之後，領隊會帶大家行下流浮山嘅景點。之後落黎嘅時間，大家可以自行遊逛流浮山，買下野，食下野咁，大約4點會上旅遊巴返回黃大仙正德街解散收費方面：基本會員同照顧者都係每位$70

有興趣參加的會員朋友同照顧者請10月8日(星期三)下午3時起至10月18日(星期六)下午3時，致電或whatsapp 報名熱線2760-1162報名，每通電話可報2人，報名需要係一個照顧者再加一位基本會員，順帶一提，照顧者可以係視障或健視都可，我哋到時會安排義工比視障照顧者。今次活動名額30個，如果報名人數超過名額的話，就會進行抽籤。抽籤結果將於10月20日(星期一)的熱線中公佈。
如有任何查詢歡迎致電2760-0100與職員iris同善善聯絡。