各位會員大家好！唔知大家有冇聽過草地滾球呢項運動呢，如果未親身接觸過呢樣運動就啱曬喇！嚟緊會有由康文署主辦，本會協辦嘅草地滾球同樂日，比大家體驗下草地滾球嘅玩法同埋樂趣。

活動會係2025年11月3號(星期一)舉行，活動時間係下午2點至下午4點，地點喺位於銅鑼灣維園道維多利亞公園草地滾球場。活動費用全免，歡迎本會嘅基本會員參加。參加者需要係活動當日下午1點30分，係天后港鐵站A2出口(即係第1個英文字母)出閘位集合。

有興趣嘅基本會員可以係2025年10月17日(星期五)下午3點至10月22日(星期三)下午3點，致電或者WhatsApp報名熱線2760-1162報名，每通電話可報1個人。名額8個，如果報名人數多過名額，活動就會進行抽籤，抽籤結果將會係10月23日(星期四)嘅熱線中公佈。

如有任何查詢，歡迎致電2760-2100同服務中心職員阿Sa聯絡。