各位會員大家好！黎緊11月會有由康文署主辦，本會協辦嘅徒手健體訓練班。可能有D 朋友仔未聽過徒手健體係咩，其實呢個運動早幾年已經好流行，特別係長者，呢項運動會有唔同嘅招式比大家學，訓練唔同嘅肌肉群，有D招式重會訓練我地好少用嘅肌肉群嫁。簡單D講就係有益身心啦。咁重唔快D黎報名。

活動會喺2025年11月5、12、19及26號逢星期三，共4堂。活動時間係下午2點至4點，地點會喺何文田體育館。活動費用全免，歡迎本會嘅基本會員參加。參加者需要喺活動當日下午1點30分，喺何文田港鐵站A出口(即係第一個英文字母)近美心西餅位置集合。

有興趣嘅基本會員可以係10月17日(星期五)下午3點至10月22日(星期三)下午3點，致電或者WhatsApp到報名熱線2760-1162報名，每通電話可報1個人。名額12個，如果報名人數多過名額，活動就會進行抽籤，抽籤結果將會係10月23日(星期四)嘅熱線中公佈。如有任何查詢，歡迎致電2760-0100與職員阿彬聯絡。