Eddie：Hello Hello俊昌，做乜見你坐立不安，唔舒服呀?俊昌：唔係呀，我天生一副好歌喉，可惜無處發揮，個心喇住喇住好唔舒服，有無得救呀?Eddie：哇…. 又會咁橋我啱啱知道嚟緊11月22號係心光學校禮堂會有「第一屆全港視障人士歌唱世一爭霸大賽」喎，呢個比賽係由心光學校校友會同香港失明人協進會主辦、香港盲人輔導會協辦、加上支持機構心光學校同埋香港視網膜病變協會添。仲唔係你閃閃發亮嘅好機會?俊昌：咦，正喎，但係咪只係得單人唱㗎? 我仲想越埋我一班唱歌嘅同學一齊上台㗎喎。Eddie：哦，咁除左只係開放俾視障朋友報名嘅獨唱組之外，都有合唱組㗎，只要團隊半數成員係視障朋友就可以報名參加，可與健視朋友合組參加，團體形式主要係合唱，如需樂器伴奏由於場地所限只能用簡單樂器。而且仲有個公開組，只要係團體團體或主要服務對象係視障朋友嘅服務或團體內工作嘅同工就可以參與㗎喇，視力不限，個人或團體均不限。你仲可以邀請埋搞你果班唱歌班果個中心同事參加添喎。俊昌：咁你知唔知道獎金獎品豐唔豐富，你知道喇，我志在必得㗎嘛。Eddie：梗係豐富喇，三個組別都係冠軍獎金$1,000、亞軍$500、季軍$300，個人組會有最佳台風獎、團體賽會有最佳合作獎，而比賽youtube頻道上最多like嘅三個組別初賽錄影片會獲得網上最受歡迎人氣獎，而且更勁嘅係三組冠軍仲有錄音室音樂製作體驗添呀。俊昌：哇…. 可以走入錄音室錄歌真係機會難得呀。咁你知唔知道報名費幾多同埋點報名呀?Eddie：個人賽報名費$50、而團體賽同埋公開賽每個單位嘅報名費就係$100。係報名就要記得係截止日期 2025年10月20號之前填妥Google form報名表格、繳交報名費同埋whatsapp自己製作不少於兩分鐘及不多於五分鐘嘅初賽錄像影片去到心光學校校友會嘅whatsapp電話號碼。而繳報名費可親身到香港失明人協進會職業教育及資源中心現金繳交，如要銀行轉帳或轉數快咁就記得截止前whatsapp返張收據俾校友會呀。11月6日或之前就會通知大家係咪入到圍㗎喇。俊昌：我喎，一定入到圍啦，我要快d叫賣d朋友一起報名就真。Eddie：如果有查詢，可以打去5511 7757或電郵至 esaa@ebenezer.org.hk俾校友會問下。而我地下一個文字通告會有更加詳細嘅資料㗎。