各位新西分區嘅會員大家好！今次分區活動會同大家去大自然素食，個間係一間特色素食餐廳黎既，想健康或者好奇素食嘅朋友仔就唔好錯過啦。

活動會係9月16日（星期二）下午1點45分至下午5點舉行，地點係位於荃灣大壩街4-30號荃灣廣場L4樓433號舖嘅大自然素食 。當日集合時間同地點有兩個，分別係下午1點45分係荃灣線美孚站往荃灣方向車頭月台集合，另外一個的集合地點係下午2點30分係屯馬線荃灣西港鐵站C出口（即係第三個英文字母）出閘位置集合。 收費方面，會員每位$80，同行者每位$130，非會員每位$200。菜單方面可以收聽之後既通告。

有興趣報名嘅新西分區會員可以係8月26日(星期二)下午3點至9月2日(星期二) 下午3點，用Whatsapp或致電報名熱線2760 1162報名，每一通電話可報2人，名額16個，如果報名人數多過名額，活動將會以抽籤形式進行，抽籤結果將會於9月4日(星期四) 熱線通告入面公佈。如有任何查詢，歡迎致電2760 0100同服務中心職員善善或者阿SA聯絡。