各位會員朋友大家好！大家期待左好耐的康文署旅行又同大家見面啦。黎緊9月會有由康文署主辦、本會協辦嘅康文署之南區走一轉活動，活動將會喺2025年9月7號(星期日)舉行。活動當日我地首先會入去赤柱行下，之後會去位於香港仔華貴道3號華貴坊喜悅皇宮酒樓同大家飲茶，吃飽之後會去香港仔The Southside商場涼下冷氣行下街，最後會返黃大仙正德街解散，解散時間大約5點。

活動時間係上午10點至下午大約5點，參加者需要喺當日上午9點45分，喺黃大仙地鐵站D出口(即係第四個英文字母)出閘位集合，收費方面，會員每位$80，同行者每位$140，非會員每位$210。

有興趣參加嘅會員，可以喺8月12日(星期二)下午3點至8月19日(星期二)下午3點致電或者Whatsapp到報名熱線2760-1162報名，每通電話可以報2人，名額55個，如果報名人數超過名額，就會進行抽籤，抽籤結果將會喺8月21日(星期四)嘅熱線中公佈。

如有任何查詢，歡迎致電2760 0100同服務中心職員阿Sa聯絡。