各位會員朋友大家好！卡拉OK小組想邀請大家一齊黎中心參加K組同樂日。活動當日K組組員會同大家以歌會友，歡聚同樂，會員亦可以喺當日一齊唱歌，善善都會出席做主持，聽下大家唱歌架。

今次除左有茶點時間，重有K組齊來大合唱。我地會唱3首歌，今次大合唱主題會以「中秋」作主題，以下係順序嘅曲目分別係月亮代表我的心、彩雲追月及平湖秋月，我地一齊唱個開心啦~

活動日期會喺2025年9月6日(星期六)下午2點至大約下午5點30分結束，活動當日嘅集合時間係下午2點喺愛民服務中心集合，如有需要接送嘅參加者可於下午1點45分喺何文田地鐵站A出口(即係第1個英文字母)出閘位集合。收費方面，會員每位$10。本次活動只接受基本會員報名參加。

有興趣參加嘅基本會員可以喺8月12日(星期二)下午3點至8月19日(星期二)下午3點，致電或WhatsApp到報名熱線2760 1162報名，每個電話可以報1個人。名額方面，唱歌名額有20個，每人可以報一首歌，旁聽名額有5個。如果報名人數多過名額，活動就會進行抽籤，抽籤結果會喺2025年8月21日(星期四)熱線通告中公怖。

另外，會員記得係報名個陣，告知同事活動當日會唱嘅歌曲名稱及其版本。唱K系統不接受任何CD、DVD光碟或USB手指，而大家所選擇的歌曲不保證在唱K系統中找到。

如對活動有任何查詢，歡迎致電2760 0100與職員善善聯絡。