7-9月生日會之不如一齊去唱K

7-9月生日的會員朋友，9月份終於到你地慶祝生日啦。今次將會係本年度最後一次以唱K的形式同大家慶祝生日。不論係喜歡唱K的壽星，定係非生日的會員朋友就要留意以下活動詳情啦。
活動會係9月9日(星期二)舉行，活動時間係上午11點至大約下午4點，地點係位於九龍旺角彌敦道601號旺角創興廣場11及12樓旺角創興 Neway。參加者需要係活動當日上午10點30分，係港鐵旺角站E出口(第五個英文字母)集合，然後行大約10至15分鐘去到旺角創興 Neway，到時我地會先同大家進行生日慶祝活動，之後就會分房唱K，活動完咗之後，會同大家返去旺角站解散。
收費方面，會員每位$85，非會員每位$200，同行者每位$135，費用包括一份午餐同一杯無酒精飲品。
有興趣嘅會員朋友可於8月12日(星期二)下午3點至8月19日(星期二)下午3點，用Whatsapp或致電報名熱線2760 1162報名，每個電話可以報2個人。名額共有26個，這個活動會分2條隊，其中18個名額會留俾7至9月份生日的基本會員，另外8個名額會留俾一位生日的基本會員同一位非生日會員或朋友報名。如果報名人數多過名額就會進行抽籤。抽籤結果將會係8月21日(星期四)嘅熱線中公佈。

如果有任何查詢，歡迎致電2760 0100與服務中心職員阿SA聯絡。