由康文署主辦、本會協辦嘅康文署之西貢日營活動將會喺11月15號(星期六)舉行，我地今次會去西貢戶外康樂中心，活動時間係上午9點至下午大約5點，參加者請喺當日上午9點15分，喺黃大仙地鐵站D出口(即係第四個英文字母)出閘位集合。當日到步西貢戶外康樂中心之後，我地會先自由活動，西貢戶外康樂中心裏面有各種唔同嘅康樂設施，例如︰卡拉OK、手工藝、射箭、繩網、滾軸溜冰、運動攀登、球類活動、門球/地壺球等等，玩到1點我諗大家都肚餓嫁喇，所以下一個環節梗係食午餐啦，菜單包括︰

菜胆上湯雞、鮑魚菇扒時蔬、蒜蓉炒時菜、沙拉骨、白灼海蝦、菠蘿咕嚕魚球、蝦米蒸水蛋、梅菜蒸肉餅、是日例湯及絲苗白飯。讀完都覺得有d肚餓啊！

食飽飯之後，今次有一班中大同學仔準備咗d精彩活動比大家。大約4點我地會搭旅遊巴返黃大仙正德街解散。
收費方面，會員每位$80，同行者每位$130，非會員每位$200。同康文署夾嘅日營活動都係一年先一次架炸，想輕鬆悠閑玩一日嘅會員朋友記得把握機會啦！

有興趣參加嘅會員可以喺10月21日(星期二)下午4點至10月28日(星期二)下午3點致電或者Whatsapp到報名熱線2760-1162報名，每通電話可以報2人，名額32個，如果報名人數超過名額，活動會以抽籤形式進行，抽籤結果將會喺10月30日(星期四)嘅熱線通告入面公佈。如有任何查詢，歡迎致電服務中心2760 0100同職員IRIS聯絡。