平時經過自己社區嘅時候，唔知大家有冇留意一啲擁有歷史價值嘅建築、社區設施或者係唔同屋村嘅特色呢，今次嘅分區活動，我哋分別會喺大家嘅分區，找尋一啲具歷史意義同埋特色嘅建築，同大家探索一下平時可能冇留意，但係又值得欣賞吓嘅地區特色。
今次新界東分區，我哋會去位於馬會道嘅前粉嶺裁判法院，探索一下呢個同時具備歷史意義同埋功能性嘅建築，除咗了解吓當中嘅功能之外，都感受一下粉嶺呢個分區獨特嘅生活節奏同埋氣息。
今次嘅活動日期係2025年11月21號星期五，活動時間係上午11:30點至下午2：30。我哋當日將會喺上午11:00喺粉嶺港鐵站C出口(第3個英文字母)出閘位置集合。我哋當日首先會步行前往前粉嶺裁判法院，首先會同大家有大概1小時的導賞環節，然後會有大概半個鐘嘅時間俾大家自由活動行吓影相打吓卡，之後會去附近嘅Cohee咖啡店一齊食少少嘢，大家可以揀選餐牌上60元或以下的食品或飲品。活動會去到大約下午2:30，然後同大家步行返去粉嶺港鐵站解散。
大家可以喺10月21日（星期二）下晝三點至10月27日（星期一）下晝三點以Whatsapp或者打報名熱綫2760 1162報名。活動收費每位$45，只限居住喺新界東分區嘅會員參加。每個電話可以報2個人，名額會有12個。如果報名人數超過名額嘅話就會進行抽籤，抽籤結果將會係10月30日（星期四）嘅熱線中公布。

如有任何查詢，歡迎致電2760-0100同服務中心職員阿Sa聯絡。