各位會員大家好，黎緊11月我地同「扭出新視野」的組織合作舉辦一個扭計骰體驗日比各位會員朋友。扭計骰大家一聽到可能會有少少卻步，覺得係一樣好困難嘅玩具黎，大家又可能諗︰「健視人士睇住都唔識玩啦，何況我地弱視或者全失明呀。」但其實扭計骰呢樣玩具，只要你明白左背後個原理同埋記住一D公式，大家都可以好輕易咁還原一個扭計骰。當然方間已經有好多為視障人士而設的扭計骰，比大家可以唔依賴視力嘅情況下都可以玩到扭計骰。活動當日，「扭出新視野」會安排導師以及特製嘅扭計骰黎比參加者接觸及嘗試。如果有會員朋友一直都想學又或者想挑戰下自己嘅就快D黎報名喇。

扭計骰體驗日活動會喺11月1日(星期六)上午10點至下午1點，喺位何文田服務中心舉行。需要接送嘅參加者需要喺活動當日嘅上午9點45分喺何文田地鐵站A出口(即係第1個英文字母)出閘位近美心餅店置集合，或者上午10點直接喺何文田服務中心集合。收費方面，活動費用全免。歡迎本會基本會員參加。

有興趣嘅基本會員可於10月21號(星期二)下午3時至10月26號(星期日)下午3時致電或WhatsApp到報名熱線2760-1162報名，每通電話可報1人，名額10個，如果報名人數多於名額，活動將會以抽籤形式進行，抽籤結果將會於10月27號(星期一) 的熱線通告入面公佈。

如有任何查詢，歡迎致電2760-0100與服務中心職員阿彬聯絡。