東莞食住玩大陸旅行日期為3月8日（星期日）至3月9日（星期一）舉行，行程係兩日一夜。先講集合地點，當日嘅集合時間及地點有兩個，分別係：早上7點10分喺九龍塘港鐵站往黃埔方向車頭位置等候，又或者係早上8點10分喺落馬洲港鐵站出閘處等候，記住兩個集合地點都係逾時不候架大家可以報名個陣講低埋想集合嘅地點。
東莞食住玩之兩日一夜行程如下： 第一天早上，會員和義工集合後隨即過關，預計上午9時15分到達福田口岸與旅行社「食玩假期」匯合，然後前往旅遊巴停車場，注意前往停車場需步行大約15分鐘，上車後出發前往東莞共進《廣府懷舊特色宴》午餐。午餐後，一同暢遊「香遇百花園」，於花海慢步，感受大自然清新。賞花乃自然現象，如天氣原因影響行程將作變動，一切以旅行社作準。參觀後入住《東莞五星級厚街國際大酒店》並享用酒店海鮮自助晚餐，然後便是自由時間，讓大家享用酒店設施。
第二天早上先享用酒店的自助早餐和設施，預計上午11時離開酒店，先共進《了能私房菜宴》午餐，然後走訪《松湖煙雨》及悠蘭裏ULAND松山湖文化藝術街區，共渡輕鬆下午。閑逛後乘坐旅遊巴，返回深圳關口過關，結束兩日一夜的東莞食住玩。
收費方面，會員每位$320，同行者每位$520，費用已包括團費及保險費。另外，每位參加者須額外支付港幣$160的內地導遊服務費用，費用通常於第二日回程時導遊向各位收取。
另一方面，麻煩各位參加者主動聯絡阿彬、阿Wing、阿Sa和阿揚，講低你哋想點分房，同埋你哋想同邊d朋友仔同一張枱食飯，講聲俾大家知內地一張枱係坐10個人既。
最後，過關需要香港身分證同埋回鄉證，請睇清楚自己嘅回鄉卡有無過期，同埋如果大家想穩陣d既話，喺活動當日俾埋個回鄉卡副本俾我地，因為萬一喺內地遺失回鄉卡嘅話，有回鄉卡副本喺手，補領手續會比較容易。至於怕暈車浪嘅朋友，要記得帶暈浪丸呀！最後，由於國內嘅酒店唔一定會提供即用即棄用品 (除左廁紙)，所以大家請自備個人衛生用品(如個人清潔用品、梳洗用品、拖鞋等)。
有關東莞食住玩活動的繳費方法，請留意下一則通告。如有任何查詢，歡迎致電2760 0100與職員阿彬或阿Wing聯絡。