照顧者活動：齊逛共融市集

各位會員朋友大家好，黎緊3月我阿彬想帶大家一齊去行下市集。唔知大家平時行市集的時候有冇留意下最近賣緊啲咩產品？現時流行緊啲咩？定價大約幾多？之類嘅問題喺腦海中思考？平時大家參加好多唔同嘅手工活動，大家有冇諗過可以將自己嘅心血結晶可以放喺市場上賣？黎緊新一個年度如果大家有興趣都可以嘗試去自己營運一下攤位，賣下自己嘅心血結晶。當然，營運一個攤位賣野唔係咁簡單，所以今次我阿彬想帶大家去參觀下位於觀塘裕民坊嘅共融市集，參考下其他人如何營運一個攤位。

照顧者活動：齊逛共融市集活動日期為3月1日(星期日)，活動時間為下午2點至大約4點，於九龍觀塘協和街33號裕民坊市集舉行，參加者可於活動當日嘅下午1點50分，於觀塘地鐵站A出口(即係第一個英文字母)出閘位置集合。收費方面，活動費用全免，歡迎本會會員同照顧者報名參加。

如有興趣嘅會員同照顧者可以係2月20日(星期五)下午3點至2月25日(星期三)下午3點，用Whatsapp或致電報名熱線2760 1162報名，一個電話可以報兩人，名額10個。如果報名人數多於名額就會進行抽籤。抽籤結果將會喺2月26日(星期四)熱線通告公布。 

如有任何查詢，歡迎致電2760 0100與職員阿彬聯絡。