新年新正頭，想同大家搞搞新意思，有冇聽過時下年青人好沉迷買嘅盲盒呢？盲盒本身係指一個「神秘小盒子」，買嘅時候唔知入面會抽中咩，打開先會知內容物係咩
，好似抽獎、或者好似開開利是咁，未開之前唔知有幾多錢。
而今次「盲盒遊樂團」，就係有別於中心一般以來嘅做法，出發前唔會講去邊，去到現場先會一步一步揭曉行程，好似開神秘禮物盒咁，可以話係一個充滿驚喜嘅半日遊！

盲盒遊樂團 活動會係3月6日(星期五)舉行，活動時間係中午12點至5點，集合時間係中午12點，集合地點係何文田地鐵站大堂閘內，近升降機B出口出閘位集合，到時我哋先會公佈當日活動地點係邊，再一齊搭地鐵過去。雖然今次活動我哋唔會預先話比大家聽去邊同玩咩，不過可以比定個活動主題比大家，就係「潮流」啦！而活動收費係每人$150，聽落好似有少少貴，不過費用其實係會包一餐膳食同行程嘅費用，同埋依家物價其實都真係好高。歡迎想試新嘢、鍾意有驚喜、想開心輕鬆過一日嘅會員朋友參加報名！放心，行程都係輕鬆老少咸宜嘅，唔會太複雜太體力勞動嘅，有得玩有得食！

有興趣嘅基本會員可以係2月13日(星期五)下午3點至2月22日(星期日)下午3點，用Whatsapp或致電報名熱線2760 1162報名，每通電話可報2個人。名額8個。如果報名人數多過名額嘅話，就會進行抽籤，抽籤結果將會係 2月23日 (星期一) 嘅熱線中公佈。如果有任何查詢，歡迎致電2760 0100與服務中心職員IRIS聯絡。