唔知大家有無聽過近期韓國爆紅的「杜拜朱古力麻糬」呢？這款人氣甜品將濃郁的開心果醬與脆卜卜中東麵條，包裹在煙韌的棉花糖皮內，外層沾滿濃郁朱古力粉，有外軟內脆的雙重極致口感，我地今次將會製作較爲少甜的糯米糍版本取代棉花糖，等大家可以嘗試下而家流行的新口味之餘，又唔洗太擔心糖分攝取過多的問題。你聼到呢度，係咪都忍唔住，想即刻報名呢？

今次甜在心頭的活動日期係2026年3月8日（星期日）。地點位於天水圍天晴邨，天晴服務設施大樓1樓101號，香港中華基督教青年會-天水圍天晴會所，活動時間係上午10點半至下午1點。

參加者可以選擇早上9點10分係美孚月台往荃灣方向車頭位置集合或者早上10點係天水圍西鐵站E出口 (即係第5個英文字母) 出閘位集合，我哋需要轉乘輕鐵705線，往天慧方向，前往活動地點。完結後大約1點就會返天水圍港鐵站解散。 今次活動收費每位25元，只限基本會員參加。

有興趣嘅基本會員可於2月20日(星期五)下午3點至2月27日(星期五)下午3點，致電或whatsapp報名熱線27601162報名，每個電話可以報1個人，名額8個。如果報名人數多過名額，就會進行抽籤。抽籤結果會係3月2日(星期一)熱線中公怖。

如有任何查詢，歡迎致電2760 0100同服務中心職員阿Sa聯絡。