Hello Hello大家好，先祝大家新年快樂。黎緊3月7號星期六我地會連同香港中華基督教青年會YMCA顯徑會所合作一個同遊香港迪士尼樂園嘅活動。佢地將會送出30張迪士尼樂園門票，希望邀請30位35歲或以下會員與佢地嘅30位青年人一齊去迪士尼玩返一日，中間玩下一D小任務，又互相認識交流一下。活動詳情如下：
活動日期：2026年3月7日 (星期六)；
活動時間：早上10點至下午5點；下午5點後大家可按意願自行留地繼續於園內遊玩；
活動地點︰香港迪士尼樂園；
集合時間地點：早上9點45分港鐵迪士尼站閘外集合，活動完結後返回迪士尼站解散；
名額：30位35歲或以下基本會員。報名時請留中英文全名以作迪士尼登記之用。如超出名額將會抽籤決定最終參加者。
活動費用全免，於樂園內午膳需自費。如有興趣報名可於即日至2026年2月28日星期六下午3點或之前親臨或致電職教中心23372736報名。如對活動安排有任何查詢歡迎聯絡活動負責同事Eddie架。希望活動當日見到你啦！