踏入3月又黎到花展嘅時候啦，今次我哋申請到康文署嘅免費門票，我哋會同埋繽紛園藝小組組員一齊，由導師陳姑娘帶住大家遊覽花展，今次花展以紫羅蘭為主題花。
照顧者活動 花開富貴遊花展 活動將於3月24號(星期二)上午9點半至下午2點舉行，參加者請於活動當日上午9:45到天后地鐵站A出口(第1個英文字母)出閘位集合，我哋會去維多利亞公園天后團體入口進場，導賞時間係10點至11點半，之後我哋會去位於銅鑼灣黃金廣場嘅沙嗲王食午餐。食完飯之後返回銅鑼灣站解散。活動費用每人$60。歡迎本會會員同照顧者報名參加。午餐會包括一份主食及一杯飲品。當日請大家帶備殘疾證入場。

有興趣嘅會員同照顧者記得報名參加啦。報名的日期同時間係3月8日(星期日)下午3點起至到3月14號(星期六) 下午3點，致電或whatsapp到報名熱線2760-1162報名，每一通電話可報2人，名額10個，如果報名人數多過名額，活動將會以抽籤形式進行，抽籤結果將會於3月16日(星期一) 的熱線通告入面公佈。 如對活動有任何查詢，歡迎致電2760-0100與職員IRIS聯絡。