職教及服務中心聯合通告：開聲體活動-香港女子甲一組排球聯賽

排球迷注意！Oscar誠邀大家一齊入場睇本地女子排球賽事，近距離感受甲一氣氛，有葵青對國際同協興對旭青，連睇兩場強強對碰，大家千祈唔好錯過！  

活動將於3月15日（星期日）舉行，參加者請喺活動當日下午2點15分到達港鐵荃灣西站D出口（即第四個英文字母）嘅出閘位置集合，然後前往荃灣體育館睇波，賽事將會提供體育口述影像服務俾各位參加者。活動約晚上7時結束，由職員和義工陪同返回港鐵荃灣西站解散。  

活動費用全免，有興趣嘅會員可以喺3月6日（星期五）下午3時至3月10日（星期二）下午5時，透過WhatsApp或致電報名熱線2760 1162報名，會員可以帶同一位同行者出席，每通電話可以報兩位會員。活動名額共15個，如報名人數超出參加名額，活動將會進行抽籤，抽籤結果將於3月12日（星期四）熱線通告中公佈。  

如有任何查詢，歡迎致電2760 0100與職員Oscar或子健聯絡。