第二期Ukulele常規訓練班

各位會員朋友大家好！嚟緊4月至到5月會有服務中心同事阿渝我開嘅第二期Ukulele常規訓練班!目標係令到大家可以享受到Ukulele呢種樂器嘅樂趣！阿渝我亦會主持同作為導師！

由於呢個係一個常規課程，所以課程內容將會由淺入深，課程內容包括有學習調音、了解結構、基礎和弦、調子及拍子訓練等等，中心仲會提供Ukulele比參與會員練習，所以絕對歡迎從未接觸過樂器嘅您加入！

常規訓練課程舉辦嘅日子會係2026年4月1日至2026年5月27日（逢星期三）2點至3點半結束，注意4月29 日是沒有課堂的,而每次活動嘅集合時間將會係下午1點半喺何文田地鐵站A出口（第一個英文字母集合）。收費方面，每位會員$100（整個課程），另外亦會有$100按金（出席次數達75%或以上將會全數退回）, 注意是次活動只接受基本會員報名。

有興趣嘅基本會員可以喺3月7號（星期六）下午3點至3月14號（星期六）下午3點，致電或WhatsApp到報名熱線2760 1162報名，每通電話可以報1個人。名額有8個。如果報名人數多於名額，活動就會進行抽籤，抽籤結果將會喺2026年3月16號（星期一）熱線通告中公佈。

如果對活動有任何查詢，歡迎致電2760 0100與中心職員阿渝聯絡。