各位會員大家好！我係 Oscar 呀。想強身健體但又唔知從何入手？今次我哋同分店遍佈全港嘅 24/7 Fitness 合作，為大家帶嚟一次專業嘅健身初體驗！佢哋一直以先進設備同舒適環境見稱，今次邀請到專業教練嚟職教中心，為大家進行約 30 分鐘嘅健身知識講座，然後到分店參觀。大家如果有任何關於減脂、增肌或者日常伸展嘅疑問，可以準備定問題，到時即場請教教練㗎！

講座完結後，我哋會一齊前往 24/7 Fitness 觀塘第三分店，同大家了解下健身室嘅環境，以及體驗先進器材。無論你想追求健康生活，定係想睇下健身室嘅環境，今次活動都千祈唔好錯過呀！

活動會喺 4 月 14 日（星期二）舉行，時間由下晝 2 點至 4 點。集合地點有兩個選擇：大家可以揀 下晝 1 點 30 分喺觀塘港鐵站 D 出口集合，或者下晝 1 點 45 分直接喺職教中心集合。

請注意，會員需考慮自己嘅能力及身體狀況是否合適才參加。活動費用全免，有興趣嘅會員可以喺 3 月 20 日（星期五）下午 3 點至 4 月 1 日（星期三）下午 3 點，致電或 Whatsapp 到報名熱線 2760 1162 報名。會員可以帶同一位同行者出席，每通電話可以報兩個人，名額一共 10 個。如果報名人數多過名額，活動將會進行抽籤，抽籤結果會喺 4 月 2 日（星期四）於熱線中公佈。

如果有任何問題，歡迎致電 2760 0100 同職員 Oscar 聯絡。