唔知大家有無留意近年觀塘區有好多新地標工程落成呢? 例如上年2025年翠屏河工程落成我地都做左一次導賞團。但上次導賞團都只係去到智能水閘位置。而今次活動係與新生命教育協會呂郭碧鳳中學及香港小童群益會賽馬會秀茂坪青少年綜合服務中心合辦，同學們會同大家再進一步探索翠屏河出海口嘅新地標茶果嶺海濱公園同埋觀塘海濱花園啦，除左係不同地點影下相打下咭外，行得攰攰地又可以係觀濱好多公共空間搵個舒服嘅地方，主辦單位預備左少少茶點，可以同同學們邊休息邊傾下計交流下，亦同大家一齊進一步探索觀塘社區。如果你都有興趣，就要留意以下活動詳情啦：

活動日期：2026年5月2日 (星期六)；
活動時間：早上10點至11點30分；
活動地點：觀塘茶果嶺海濱公園及觀塘海濱一帶；
集合時間地點：早上10點正觀塘B出口 (第二個英文字母) 閘外集合，會合同學後將步行至活動地點；約11點半活動完結後按當時行程返回較近的牛頭角或觀塘站解散；
名額：8位基本會員。如報名人數超出限額，將會以抽籤決定參加者。

活動費用全免。活動既可參觀觀塘海濱一帶新地標，又可以與年青人交流一下，仲唔快D報名? 如對以上活動有興趣或有疑問，歡迎係4月22號星期三下午4點或之前中心開放時間親臨或致電職教中心23372736報名，查詢可以與負責同事Eddie聯絡。希望到時見到大家啦。