各位會員朋友大家好，又有活動可以同中學生出去玩下喇，黎緊6月會同東華三院馮黃鳳亭中學合作，同大家一齊去啟德Airside果個商場參加《感官怪奇：走進 ASMR 的世界》展覽，咁ASMR其實係咩黎嘅呢，ASMR其實係透過聲音、觸感與其他感官去達致一種深層平靜與愉悅的身體感覺，從而達到舒緩壓力、對抗孤獨及焦慮的自我療癒方式。

中學生帶你進入觀感世界活動會喺6月20日(星期五)上午9點30分至中午大約12點30分，喺位於九龍啟德協調道2號嘅AIRSIDE商場舉行。參加者需要喺活動當日嘅上午9點30分喺黃大仙地鐵站D出口(即係第四個英文字母)出閘位置集合，我地會坐旅遊巴前往啟德AIRSIDE商場，展覽完結後會坐旅遊巴返回黃大仙正德街解散，解散時間大約中午12點30分。收費方面，活動費用全免。歡迎本會基本會員參加。

有興趣嘅基本會員可於5月30號(星期五)下午3時至6月6號(星期五)下午3時致電或WhatsApp到報名熱線2760-1162報名，每通電話可報2人，名額12個，如果報名人數多於名額，活動將會以抽籤形式進行，抽籤結果將會於6月9號(星期一) 的熱線通告入面公佈。

如有任何查詢，歡迎致電2760-0100與服務中心職員阿彬或者善善聯絡。