由於主辦單位更改活動時間，活動將順延1小時開始，請報咗名嘅會員留意返啦，另外，進入啟德體藝館之前需要進行安檢，所有飲品、食品、水樽、玻璃樽、罐裝物品及長雨傘均不能帶入場館，如有查詢可以致電3615 1045 ，以下係活動詳情：
各位會員，世界女排聯賽-香港站將於6月18至22日喺啟德體藝館隆重舉行，開聲體非常榮幸獲得香港排球總會送贈今站賽事嘅所有門票，有興趣嘅會員朋友就唔好錯過呢個咁難得嘅機會喇!
第一炮活動就會同中國女排嘅球員嚟個近距離接觸，我地會喺6月15日(星期日)下午去到啟德體藝館觀看中國女排嘅練習賽，當然會提供口述影像俾各參加者啦!然後我地會帶大家上比賽嘅球場認識下，感受一下球員喺場上比賽嘅距離以及球場嘅大小，呢個千載難逢嘅機會，切勿錯過喇!之後仲會同中國女排嘅球員嚟番個合照留念。
凡出席是次活動嘅朋友，均可優先參加開聲體舉辦今站嘅賽事。
活動日期:6月15日(星期日)
時間:下午五點四十五分於港鐵屯馬綫嘅啟德站D出口（即第四個英文字母）大堂集合，活動大約晚上八點結束，
名額:20個，會員可以帶同一位同行者參加，如報名人數超出名額，將會進行抽籤，
費用全免，有興趣嘅會員可於6月3日或之前致電36151045向開聲體報名。
抽簽結果會於6月5日熱線中公佈。