各位會員大家好！平時我地嘅活動得以順利進行，義工朋友都擔當住好重要嘅角色。為咗可以讓更多新訓練嘅義工可以更有信心踏出佢地嘅第一步，開始參與我地嘅服務，新義工系列的活動會舉辦一D簡單嘅烘培或者手作工作坊，等大家同新義工可以互相認識，而新義工應用佢地係義工訓練學到嘅技巧同大家相處。

如果大家想試下點樣整綿密口感的布朗尼巧克力蛋糕同香脆的焦糖餅乾結合的話，就要留意以下活動詳情啦。
活動會係6月14日(星期六)舉行，活動時間係下午2點至4點半，地點係愛民服務中心。參加者需要係活動當日下午1點45分，係何文田港鐵站A出口(近美心餅店位置)集合，到時會由新義工同大家一齊行去服務中心。活動只限基本會員報名參加，收費每位10元。

有興趣嘅基本會員可以係5月27日(星期二)下午3點至6月3日(星期二)下午3點，致電或者WhatsApp報名熱線2760-1162報名，每通電話可報1個人。名額6個，如果報名人數多過名額，就會進行抽籤，抽籤結果將會係6月5日(星期四)嘅熱線中公佈。

如有任何查詢，歡迎致電2760 0100同服務中心職員阿Sa聯絡。