各位會員大家好！夏天又嚟啦，天氣都開始又焗又熱啦，除左開風扇冷氣之餘，唔知大家平時有無其他消暑方案呢，希望藉著今次活動大家可以留意自己身體狀況之餘，同時大家聚首一堂，玩下遊戲聯誼下啦!
今次活動日期係6月18日(星期三)，會分2個時段，第一個時段係下午1點正至下午2點正，第二個時段係下午3點正至下午4點正，每個時段有30個會員名額。

每個時段開始之前嘅15分鐘會有義工帶大家由何文田地鐵站A出口(第一個英文字母)個邊集合，然後行到中心，玩大約一個鐘就會送返大家返去何文田地鐵站。大家報名嘅時候只可以選擇其中一日嘅一個時段。呢個活動只限本會會員報名參加，收費每位$10。

歡迎有興趣嘅會員報名，報名時段 5月30日(星期五)下午3點至6月6日(星期五)下午3點用Whatsapp或者致電報名熱線2760 1162報名，每通電話可以報兩個人，每場名額30個，如果報名人數多過名額，活動就會進行抽籤，抽籤結果將會喺6月9日(星期一)熱線中公佈。

如果有任何問題，歡迎致電2760 0100同職員善善聯絡。