各位會員朋友大家好！夏天就來了，係時候做下運動迎接要盛夏。如果想以較相宜的價錢使用健身室，大家都可以考慮下使用康文署轄下嘅健身室的。今個年度第一次由康文署主辦，本會協辦既健身室簡介會，會有教練指導大家正確使用健身器材的技巧。課堂設有考核，參加者如答啱超過8成或以上的問題，同埋出席哂全部兩節課程，就會獲得使用康文署轄下健身室嘅資格啦。

活動會係2025年6月21號及28號(連續兩個星期六)舉行，時間係下午2點至5點，地點係位於九龍佐敦寶靈街17號官涌市政大廈嘅官涌體育館。活動費用全免，歡迎本會會員參加。參加者需要係活動當日下午1點30分，係佐敦港鐵站C出口(第3個英文字母)出閘位集合。
有興趣參加既會員可以係6月3號(星期二)下午3點至2025年6月10號(星期二)下午3點，致電或者Whatsapp到報名熱線2760 1162報名，每通電話可報1個人。名額14個，如果報名人數多過名額，活動將會以抽籤形式進行，抽籤結果將會係2025年6月12號(星期四)之熱線中公佈。

如有任何查詢，歡迎致電2760 0100同服務中心職員阿Sa聯絡。