瑜伽大家就玩得多啦，今次我哋玩啲新意思，雙人瑜伽唔知大家又玩過未呢？
照顧者活動之齊做雙人瑜珈一共有4節，會於6月逢星期三下午舉行，優先會比視障會員同佢嘅照顧者參與，照顧者可以係大家嘅屋企人、夫婦、或者經常會照顧大家嘅親友，做瑜伽嘅動作都涉及一啲身體接觸，大家可以自行考慮。雙人瑜伽強調兩個人共同協作，彼此協助完成一些雙人瑜伽動作，可以促進溝通、增進感情，建立默契…。今次會係初階入門動作為主，由專業瑜伽導師Miss Ling任教，之前都有係中心教過。

日期：6月18日至7月16日 (逢星期三，共4節，7月2日休息一節)
時間：下午2點至4點
地點：何文田愛民邨嘅愛民會堂，都喺服務中心附近
名額：16位
收費：$40一位
參加者如需要係地鐵站接送，可以係活動當日下午1:30，係何文田港鐵站A出口(近美心餅店位置)集合。
有興趣嘅會員同照顧者可以係5月30日(星期五)下午3點至6月7日(星期六)下午3點，用Whatsapp或致電報名熱線2760 1162報名，每通電話可報2個人。如果報名人數多過名額嘅話，就會進行抽籤，抽籤結果將會係6月9日(星期一)嘅熱線中公佈。

如有任何查詢，歡迎致電2760 0100與服務中心職員IRIS聯絡。