各位會員朋友大家好！4至6月生日會又嚟啦！今次就會同各位4至6月生日嘅朋友仔一齊去K房開生日party，齊齊唱K賀生日！而生日嘅會員朋友仲會有生日禮物㗎！

活動會係6月16日(星期一)舉行，活動時間係上午11點至大約下午4點左右，地點係位於九龍旺角彌敦道601號旺角創興廣場11及12樓旺角創興 Neway。參加者需要係活動當日上午10點30分，係港鐵旺角站E出口(第五個英文字母)集合，然後行大約10至15分鐘去到旺角創興 Neway，到時我地會先同大家進行生日慶祝活動，之後大家就會分房唱K，活動完咗之後，就會同大家返去旺角站解散。收費方面，會員每位$85，非會員每位$200，同行者每位$135，費用包括一份午餐，一杯無酒精飲品及甜品。

有興趣嘅會員朋友可於5月27日(星期二)下午3點至6月3日(星期二)下午3點，用Whatsapp或致電報名熱線2760 1162報名，每個電話可以報2個人。名額共有26個，其中18個會留俾4至6月份生日的基本會員報名，而另外8個名額會留俾一位生日的基本會員拖多一位非生日會員或朋友。即係話今次生日會會有兩條隊，一條隊係所有4至6月生日嘅基本會員，名額總共係18個，如果報名人數多過18都係會抽籤㗎。

而另外一條隊名額係有8個人，而呢8個人就會係四對一個生日嘅朋友加一個非生日嘅朋友仔，即係如果你係4至6月生日，想同一個唔係生日月份嘅屋企人或者朋友一齊嚟嘅話就要排呢條隊啦，當然都係報名人數多過名額就會抽籤嘅。抽籤結果將會係6月5日(星期四)嘅熱線中公佈。

如果有任何查詢，歡迎致電2760 0100與服務中心職員思韻或Iris聯絡。