各位會員朋友大家好！1月份我地會同大家展開西貢冬日之旅。唔知大家有無聼過烏溪沙，最近有個新的戶外綠化休憩空間，西沙GO PARK落成左呢。那裏是一個佈滿綠色植物及四季花卉的空間，假日過去行下，遠離下都市，相信都會係一個唔錯的節目。
康文署主辦、本會協辦嘅康文署之西貢冬日之旅，將會喺2026年1月18日(星期日)舉行。活動時間係上午10點至下午大約5點，參加者需要喺當日上午9點45分，喺黃大仙地鐵站D出口(即係第四個英文字母)出閘位集合，收費方面，會員每位$100，同行者每位$150，非會員每位$230。活動當日我地會喺黃大仙正德街上旅遊巴前往烏溪沙。我地首先會去西沙GO PARK同大家一齊行吓呢個新落成嘅綠化空間，行到咁上下就會坐返旅遊巴入西貢食海鮮午餐，用餐嘅地點係位於西貢萬年街87-89號地舖嘅全記海鮮菜館，
當日嘅餐點包括：鹽焗雞、碧綠泡蝦仁、清蒸海上鮮、椒鹽鮮墨魚、蝦乾梅菜蒸排骨、鹹魚肉鬆扒豆腐、金銀蒜蒸茄子、西貢油菜同絲苗白飯。

食飽咗，就梗係行吓西貢大街，過一個悠閒的下午啦。我哋會喺西貢行到大概下午四點左右就會集合搭返旅遊巴返黃大仙正德街解散，解散嘅時間大概係下午五點。

有興趣參加嘅會員，可以喺12月27日(星期六)下午5點至1月7日(星期三)下午5點致電或者Whatsapp到報名熱線2760-1162報名，每通電話可以報2人，名額56個，如果報名人數超過名額，就會抽籤，抽籤結果將會喺1月8日(星期四)嘅熱線通告入面公佈。

如有任何查詢，歡迎致電2760-0100與服務中心職員阿Sa聯絡。