我哋會講解一下參與式預算六個選項係咩嚟：

1. 參觀懷舊古董車展
參觀元朗古董車展覽：目的：認識以前汽車嘅發展，演變以及聽吓佢哋唔同車款嘅引擎聲音！讓我哋雖然揸唔到車，都可以聽吓佢嘅聲，感受下佢個樣！

2. ⁠參觀巴士廠
為認識公共交通工具，建議參觀巴士廠；參觀使用中的巴士，認識巴士車廂內的各種設施，結構上的用途，座位安排及佈置。
今次的參觀，讓會員能夠真正了解關愛座；乘客的座位設備，上落車的位置，上下層的座位編排。
提高認識與巴士車長的溝通方法。提高會員與巴士公司及巴士車長及其他有關職員的溝通，令各會員有一個愉快的旅程，道路通達的目的。

3. ⁠護眼講座
護眼講座目的： 透過呢個活動可以讓大家對護眼知識更了解。
雖然，大家對視覺受損有一定嘅認識，但係想會員再了解眼睛嘅護理同埋意外受傷可以點樣處理。 例如眼成日痛或者流眼水可以點舒緩？或者教下一啲護眼操等等。

4. ⁠路線指引工作坊
大家如果聽過服務中心通告可能會聽過一條「教你嚟愛民村服務中心」，而都有會員反映過原來呢種教路線嘅指引都幫到大家了解出行嘅路線，呢個工作坊就比大家可以一齊討論揀啲大家平日出入嘅路線，將佢寫成好似一份路線指引咁。

5. ⁠會員技能分享工作坊
各位會員，知道大家都有唔同嘅技能，臥虎藏龍，大家將自己嘅技能收埋，發揮唔到自己嘅專長，而家透過呢個活動讓會員彼此互相分享自己嘅技能，發揮自助、互助嘅精神。

6. ⁠公屋資訊發放倡議工作坊
住公屋就算係登記咗係視障人士，日常定期停水停電亭嘅時候都會有語音提示，但係例遇致啲緊急情況例如臨時停𨋢嘅訊息呢或者係臨時停水電等等意外情況就唔會有訊息通知。有關呢個公屋視障住户資訊不足嘅問題，希望舉辦倡議工作坊傾下大家點樣一齊處理。

以下係投票詳情 ：
每一位基本同贊助會員都有3票，投比三個你哋心儀嘅活動，唔可以重複投晒落去同一個選項，最少投一個，最多投三個。
投票期由12月29日星期一下午三點開始至到1月5日星期一下晝三點，會員可以whatsapp或致電服務中心27601162 或 致電職教中心23372736投票，歡迎大家踴躍參與，1月8日會喺熱線通告公布投票結果，當中得票最高嘅活動其後會由工作小組成員籌備該活動，活動大概會喺二月推出，大家可以留意住通告。
如有查詢，歡迎致電27600100與服務中心 Iris 或 致電23372736 與職教中心 Eddie聯絡。