各位會員大家好，較早前服務中心成立左一個參與式預算工作小組， 11月16日已經完成兩場社區聆聽，總共有八位會員出席，就住佢哋日常嘅社區需要同日後希望參與嘅活動發表意見。

完成兩場聆聽工作坊之後，我哋將會開展比會員投票選擇做咩活動嘅程序，我哋總共結合咗有以下六個選項，每一位會員都可以投選出三個你哋希望搞嘅活動，當中得票最高嘅活動將會係2月搞出黎比大家參加，選項有以下六個：
1. 參觀懷舊古董車展
2. ⁠參觀巴士廠
3. ⁠護眼講座
4. ⁠路線指引工作坊
5. ⁠會員技能分享工作坊
6. ⁠公屋資訊發放倡議工作坊

就咁聽呢六個選項，可能未必明白係做咩，聽吓一條通告我哋會講解一下係咩嚟。 以下係投票詳情 ：
每一位基本同贊助會員都有3票，投比三個你哋心儀嘅活動，唔可以重複投晒落去同一個選項，最少投一個，最多投三個。
投票期由12月29日星期一下午三點開始至到1月5日星期一下晝三點，會員可以whatsapp或致電服務中心27601162 或 致電職教中心23372736投票，歡迎大家踴躍參與，1月8日會喺熱線通告公布投票結果，當中得票最高嘅活動其後會由工作小組成員籌備該活動，活動大概會喺二月推出，大家可以留意住通告。
如有查詢，歡迎致電27600100與服務中心 Iris 或 致電23372736 與職教中心 Eddie聯絡。