咁多位照顧者最近有冇面對工作壓力？或者照顧屋企人時候嘅壓力呢？有冇諗過簡簡單單喺條街度透過尋找顏色都可以做到療癒同埋放鬆嘅效果呢？
今次我地將會舉行一個以「色彩漫步」為主題嘅活動，連續四個星期六下晝同大家去到唔同嘅地方chill住一邊影相一邊發掘城市之中嘅唔同顏色，唔使擔心自己唔識影相，我哋都係用返手機內置相機為主，主要係享受過程，更加會將大家影到嘅相收集用黎做佈置。
今次嘅照顧者活動，主要想邀請健視照顧者參加，因為始終都需要對顏色比較敏感，如果有視障照顧者有興趣，都可以打嚟講低，我哋研究吓點樣調節下啲內容令到視障會員都參與到。
活動一共有4節，會於4月18號開始連續四個星期六下午兩點半至四點舉行，第一節我哋會返嚟何文田服務中心，而其餘嘅節數會在公布去邊度，都係深水埗區油尖旺為主，可能會去一間coffee shop飲咖啡或者搵條街行下，收費每位$40。

有興趣嘅健視照顧者可以係3月31日(星期二)下午3點至4月11日(星期六)下午3點，用Whatsapp或致電報名熱線2760 1162報名，每通電話可報1個人，名額8個。如果報名人數多過名額嘅話，就會進行抽籤，抽籤結果將會係4月13日(星期一)嘅熱線中公佈。

如有任何查詢，歡迎致電2760 0100與服務中心職員IRIS或阿彬聯絡。