各位會員大家好！Oscar 誠邀各位入場睇「2026 UCI 世界盃場地單車賽（香港站）」，為香港運動員打氣！呢場係國際最高級別嘅單車盛事，世界各地嘅頂尖車手都會齊集香港爭奪殊榮。

活動將於 4 月 18 日（星期六）舉行。參加者請喺活動當日中午 12 時 30 分到達坑口港鐵站 B 出口（即第 2 個英文字母）嘅出閘位置集合，然後前往香港單車館觀賽，賽事將會提供體育口述影像服務俾各位參加者。活動約下午 4 時結束，由職員同義工陪同返回坑口港鐵站解散。

活動費用全免，有興趣嘅會員可以喺 3 月 30 日（星期一）下午 3 時至 4 月 10 日（星期五）下午 3 時，透過 WhatsApp 或致電報名熱線 2760 1162 報名。會員可以帶同一位同行者出席，每通電話最多可以報兩位。活動名額共 15 個，如報名人數超出參加名額，活動將會進行抽籤，抽籤結果將於 4 月 13 日（星期一）於熱線中公佈。

如有任何查詢，歡迎致電 2760 0100 與職員 Oscar 或子健聯絡。