大家好！唔知大家有冇打機呢？一直以黎視障人士打機都係一個熱門話題，到底視障人士可以玩到D咩電子遊戲呢？成個操控同健視人士嘅分別係邊呢？其實視障可唔可以同健視人士一齊打機呢？

上年度我地視障電競小組係多位組員努力下發掘多左無障礙程度較高嘅新遊戲，並主動邀約更多會員翻來中心打機同埋與外界機構交流並宣傳無障礙電競活動。今年度希望都繼續有各位熱愛打機嘅會員們一齊黎測試唔同嘅遊戲，一齊舉辦不同嘅活動，同埋一齊探討下屬於視障人士嘅打機議題架！

視障電競小組將會於2026年4月開始，舉行時間為每月一聚，舉行地點為職教中心，內容主要為討論視障電競議題、測試遊戲的無障礙程度，以及籌備舉辦唔同嘅電競活動。參與者必須為基本會員，名額及年齡不限，今年度報名參與小組會與往年一樣需繳交40元作為小組發展經費。報名日期由即日起至4月11日（星期六），如成功繳費，將會邀請會員進入Whatsapp群組，希望到時見到中意打機嘅你啦！

如有任何疑問或報名，歡迎親臨職教中心或致電2337 2736與職員Eddie聯絡。