大家好，之前同大家介紹過我地3月31號早上會與沙田培英中學及香港小童群益會賽馬會眾心行善計劃合作，與同學一齊參觀西九文化區M+「觀音．聽時」坂本龍一音樂展覽。去西九文化實地考察同學們發現當日仲有其他特別活動都同步想大家一齊去參觀喔，所以建議左一D行程增補。

首先M+坂本龍一「觀音．聽時」展覽行程當然維持不變。而同步係M+展館附近藝術公園海濱東草坪有一個《夢遊喵境》裝置藝術，有可愛一家三口巨型貓咪正係草地上瞓覺，他們的尾巴會悠然擺動，而當你輕撫他們，可以感受到那低沉的呼嚕聲與怦怦的心跳。我地又可以一齊去睇下佢地摸下佢地，同佢地自拍下。而大家行得攰攰地又可以係附近搵個舒服嘅地方，主辦單位預備左少少茶點，可以同同學們邊休息邊傾下計食下茶點。如果仲有時間仲可以去附近景點打下咭。由於大家果日會同幾位同學編成一組一齊行動，所以幾個景點參觀嘅時間分配大家可以係小組內商議架。

再提提活動詳情如下：
活動日期：2026年3月31日 (星期二)；
參觀時間：上午10點至11點30分；
活動地點︰西九龍文化區；
集合時間地點：早上9點20分沙田站B出口 (第二個英文字母) 集合，將會乘坐旅遊巴到西九龍文化區；活動完結後乘坐旅遊巴返回沙田站解散；
名額：15位基本會員。如超出名額將會抽籤決定最終參加者。

活動費用全免。如有興趣報名可於即日至2026年3月28日星期六下午3點或之前親臨或致電職教中心23372736報名。如對活動安排有任何查詢歡迎聯絡活動負責同事Eddie架。希望活動當日見到你啦！