大家好，我係職教中心11號候選人陳錦洪。職教中心其中一個嘅工作係支援視障朋友面對響學習同埋就業方面嘅挑戰，同時亦都幫助視障朋友個人嘅成長。其實我自己都係一名視障人士，我都好明白視障朋友喺搵工上有好多唔同嘅挑戰。所以我係十分之認同職教中心呢個理念嘅。因此我期望再次成為會員代表，貢獻自己喺職涯方面嘅知識。另外亦都之前透過做會員代表嘅工作，建立俾視障朋友嘅資源或者平台，形成獨特嘅網絡，令到會員受惠。我對近年興起嘅職涯嘅生涯規劃呢一方面好有研究嘅。 與此同時，我都係上屆嘅職教中心嘅會員代表啦，同時我喺協進會嘅電子書計劃嗰度做左兩年義工嘅，而我都受惠協進會嘅服務同埋活動啦。我個人方面亦都好有成長嘅。其實視障人士，佢哋有特別嘅優勢，我希望成為會員代表之後，令到更多公眾嘅人了解佢哋嘅優點，同時亦都期望同機構、會員一齊成長。請投我11號陳錦洪一票，多謝曬大家。