我係職教中心中諮會候選人8號劉文輝，係一位退休嘅中學校長。我亦都係一個視障人士，作為過往一個教育工作者，我好明白學生喺學習上邊嘅挑戰，喺呢方面可以幫助佢哋喺學習上邊可以更加發揮，亦都明白到家長，特別係對視障嘅學生，佢哋嘅關心。呢方面我亦都可以喺親子管教同埋點樣協助仔女成長方面幫到家長。喺職業教育發展嗰方面，亦都係我哋職教中心需要著重嘅。我哋會同心協力聯絡一啲機構企業，儘量去提出一啲就職空間，讓我哋視障人士有就業嘅機會。我哋亦都會籌辦一啲工作坊，研討會，去充實我哋視障會員，以至到佢哋能夠可以喺職業發展方面充實佢哋自己同時間，亦都可以提供另外一個嘅訓練，俾我哋嘅會員喺自僱方面，讓佢哋能夠更加有彈性嘅發展。我亦都會向唔同嘅政府部門同埋機構去為我哋爭取一啲無障礙嘅設施嘅權益，包括我哋日常出行嘅方便乘搭交通工具，同埋我哋日常會使用到嘅一啲網頁手機嘅程式等等，請投我一票。