各位會員，唔知大家平時出街去洗手間時，有冇遇過困難呢？我哋協進會最近留意到，唔少「暢通易達洗手間」已經改用輕觸式同語音提示系統，但好多會員反映新設計唔太易用，造成不便。

為咗了解會員實際使用情況，我哋將進行一項調查項目，收集大家對暢通易達洗手間設計既意見，並用作日後倡議工作嘅參考。

調查分兩個階段進行：
第一階段：小組傾談環節
日期：9月26日（星期五）
時間：晚上7點至9點
地點：職教中心 4號房
內容：以小組形式傾談，收集會員使用「暢通易達洗手間」的經驗與意見。

第二階段：實地巡查
我哋未來會再出通告招募會員朋友一齊巡查香港唔同地區的「暢通易達洗手間」，根據大家居住，工作或者活動地點分配巡查區域，目標係收集100個洗手間的使用數據。

如果你有興趣參加第一階段既小組傾談環節，歡迎致電 2339 0666 聯絡同事 Polar 報名！