各位會員，賽馬會開聲體將於9月28日同大家去觀塘室內足球場參加本地球迷組織波台黐線佬嘅分享會，講述佢哋由得十幾個人，進化到幾百人遠征卡塔爾，再坐爆啟德主場館看台嘅心路歷程。活動期間會展示各種幫港隊打氣嘅應援物品、仲會教各位參加者喺球場除咗睇波之外，點樣透過唱歌、叫口號同埋打拍子幫港隊打氣。分享會完結後，就會進行盲人足球體驗活動，過程中將會有兩位神秘嘅現役港隊球員同各位參加者可以喺圍板牆內試玩，一齊享受足球嘅樂趣。

今次嘅活動除咗有得聽、有得唱同有得玩，每位參加者都可以獲得一條由波台黐線佬設計嘅點字元素港隊打氣頸巾，俾你哋之後帶返入場幫香港代表隊打氣！仲唔快啲報名？

活動日期： 9月28日（星期日）
集合時間及地點：下午兩點三十分於牛頭角港鐵站B出口（第二個英文字母）大堂集合，活動大約下午五點完結，
名額：15個，會員可帶同一位同行者參加，如報名人數超出名額，將會進行抽籤，
費用全免，有興趣嘅會員可以喺9月23日或之前致電3615 1045 報名，抽籤結果會於9月25日熱線中公布。