各位會員朋友，大家好，我係林嘉靜，今次好榮幸有機會可以參選協進會職教中心嘅中諮會會員代表，記得我喺小學嘅時候已經喺職教嗰度補習啦，而喺讀緊書嘅階段，遇到電腦上嘅疑難，都有向IT部嘅職員去請教。而到DSE放榜，亦都有職教嘅社工陪我哋一齊放榜啦，一齊去學院面試啦，同埋適應大專嘅新環境，到而家畢左業之後啦，亦都有係加入就業嘅會員啦，都有職員去跟進我哋嘅就業情況。因為喺唔同嘅階段啊，不論係讀書啊，定係求職嘅階段，都有經歷協進會職員嘅幫助同埋陪伴，所以，我都想盡自己綿力，去一齊推動協會嘅自助互助精神，所以我希望透過參選職教中心嘅中諮會會員代表，可以反映會員對於中心工作同埋服務嘅意見，請大家投我12號候選人林嘉靜一票，讓到我哋可以一齊達到協進會嘅平等、機會、獨立嘅宗旨，多謝大家。