反應熱烈既中學生陪你買日常用品活動又黎啦，今次就係由聖傑靈女子中學既中四同學仔同大家一齊購買日用品，今次同樣就準備左每人一百元一田超市劵送比參加者係活動中使用。
活動會係5月10日或5月17日星期六，上午9點30分至11點於APM舉行，首先9點半會係觀塘站A出口(即第1個英文字母)出閘位置集合，之後就會同大家去APM行下街，比同學仔了解下視障人士既外出情況，之後就會同大家去一田超市購買日用品，大家如果有特別想購買既物品，請係報名時提出，方便學生準備，11點就會係返觀塘地鐵站散解。本次活動限基本會員報名，費用全免。
為給予更多會員參與，本次活動會以未參與上次中學生陪你買日用品1234的會員優先，同時只能係兩個活動日，即5月10或5月17日中揀選其中一個參加，如同時報名2邊活動將被取消資格。
有興趣嘅基本會員可以喺4月22日（星期二）下午3時至4月29日（星期二)下午3時，致電或whatapps報名熱線2760-1162報名 ，5月10日名額7個，5月17日名額9個，每通電話可報1個人。如果參加者多過名額嘅話，活動就會進行抽籤，抽籤結果將會係5月1日(星期四)嘅熱線中公佈。 
最後再提多次，當日送贈的一田超市劵係必須於當日活動中使用，敬請留意。
如有任何查詢，歡迎致電2760-0100與服務中心職員阿潮聯絡。