長者活動：齊齊認識社區照顧服務券繼續接受報名，我地今次邀請到社署社區照顧服務券辦事處社工為大家講解社區照顧服務券嘅內容、申請資格同方法，有興趣嘅老友記可以繼續打嚟2760 1162報名㗎！而之前報咗名嘅會員已經全部成為正選，如果對報名狀況有任何疑問，或者唔肯定自己係咪成功報名，都可以打返嚟服務中心查詢。

活動會係4月28日(星期一)舉行，活動時間係下午2點30分至3點30分，今次活動會以Microsoft Teams網上形式進行，到時大家可以選擇用手機app或者用固網電話加入。活動連結、會議電話及編號會係下一條通告讀出。活動費用全免，歡迎本會會員參加，60歲或以上的基本會員，以及其贊助會員或同行者優先。

如果有任何查詢，歡迎致電2760 0100同服務中心職員思韻聯絡。